.jpg)
دەقی بەیاننامەکە بەم شێوەیەیە:
بِسْمِ اللَّهِ الرَّحْمَٰنِ الرَّحِيمِ
يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا اعْدِلُوا هُوَ أَقْرَبُ لِلتَّقْوَىٰ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ (ماائیدە:٨)
دەیان ساڵە ڕژێمی ئاپارتاید و داگیرکەری ئیسرائیل، ڕوانگەیەکی ئەفسانەیی بە ناوی زایۆنیزم پەیڕەو دەکات کە پشتیوانیی مێژوویی- یاسایی نییە و پشتی بە زوڵمێکی ئاشکرا و بانگەشەیەکی پڕوپاگەندەیان و فریودەرانە بەستووە و بێ ڕەچاوکردنی پەیماننامە نێودەوڵەتییەکان و بڕیارنامە جۆراوجۆر و دووبارەبووەکانی نەتەوە یەکگرتووەکان و دامودەزگاکانی پشتیوان و کەسایەتییەکان، دادپەروەری و مافی مرۆڤ، لە زستانی نایەکسانی سیاسی، کە لە ململانێ شارستانییەکانەوە سەرهەڵدەدات و بێهەستی زلهێزانی جیهان بەرامبەر بە مافی موسوڵمانان، بە دڕندەیی و توندوتیژییەوە خەریکی داگیرکردنی خاکی فەلەستین، ئاوارەکردنی دانیشتوانی ڕەسەن و کۆکردنەوە و نیشتەجێبوون جولەکەکانی زایۆنیست لەو خاکەیە.
لەم هەموو ماوەیەدا نەتەوەی قارەمانی فەلەستین بە ڕۆحێکی هەڵقوڵاو لە شەڕەفی مرۆیی، دەستدرێژی قەبووڵ نەکرد و بە ئیلهام وەرگرتن لە فێرکارییە جوامێرییەکانی یەکتاپەرستی، وێڕای تێگەیشتن لە نایەکسانی سیاسی- سەربازی و دۆخی ژێردەستەیی خۆی، تەسلیمی ئەم شەڕخوازە خوێنڕێژیانە نەبووە و بە کەمترین ئامێر و ئامراز و کەرەسەوە ئاڵای کەرامەت و ماف ویستی بەرزکردۆتەوە و چرای ڕاوەستاویی و بەردەوامیی بە گەشاوەیی ڕاگرتووە!
ئاشکرایە کە خۆڕاگریی بەرامبەر داگیرکەران و دەستدرێژکاران ئەرکێکی ئەخلاقی و مافێکی ئاشکرایە و دۆزی فەلەستینیش، لەبەردەم لایەنە شارستانی و نیشتمانی و ئایینی و نەتەوەییەکان، هۆکارێکی ئینسانی و دادپەروەرانەیە و شایەنی پشتیوانیی هەموو لایەنەکانە.
بۆیە جەماعەتی دەعوەت و ئیسلاح وێڕای ڕاگەیاندنی بێزاری خۆی لە سروشتی پلانی ستەمکارانە و نەخوازراوی زایۆنیزم و دژایەتیی ڕوونی لەگەڵ بەرهەمە سیاسی-نیزامی و میدیاییەکان، جەخت لەسەر ئەم خاڵانە دەکاتەوە:
الف) خۆڕاگری بە هەموو فۆرمە شەرعییەکانییەوە مافی سەرەکی گەلی فەلەستینە و هیچ کام لە هۆکارەکانی وەک جیاوازیی کولتووری، جیاوازیی ئایدۆلۆژیا و شوناس، ململانێی سیاسی و سەرسەختی و تاکتیکی سەرنج ڕاکێش، نابێ هۆکاری نکۆڵیکردن بن یان پشتگوێخستنی ئەم مافە ڕاستەقینە و یەکسانییە لەگەڵ ڕژێمی داگیرکەری ئیسرائیل.
ب- ئەوەی بۆ ئاشتی و پێکەوەژیان پێویستە، دادپەروەرییە نەک هاوئایینی. پێداگری لەسەر پڕۆژەکانی هاوچەشن‌سازیی شوناسی و ئایینی لە جۆری زایۆنیستی کە بانگەوازی پێکهێنانی دەوڵەتێکە لەسەر بنەمای ئایینی جوولەکە و نەهێشتنی شوناسەکانی دیکە، سەرچاوەی ململانێ و قەیران و ململانێیەکی ئاشکرایە لەگەڵ بنەماکانی ئاشتی و مافەکانی مرۆڤ؛ زایۆنیزم بەرهەمی قۆرخکاری و پێکهێنانی توندوتیژی و دڕندەیی و بنچینەی نەگریسی بەربڵاوە کە ئەرکی سەرەکیی ئەو هاندان بۆ خۆبەگەورەزانین و ڕق و کینە لە شوناس و ڕەگەزە و لەو ڕووەوە هەڕەشەیەکی توند و جیددییە بۆسەر ئاشتیی ناوچەیی و جیهانی.
ج- دەستکراوەی ئیسڕائیل بۆ درێژەدان بە داگیرکاری و خوێنڕشتن لە فەلەستین و غەززە و کوشتنی خەڵکی مەدەنی و ژن و منداڵ و هێرشکردنە سەر ئامانجە مەدەنییەکان و نەخۆشخانەکان و قوتابخانەکان و مزگەوتەکان، نەک تەنها چاوپۆشیکردن لە کەرامەت و مافی فەلەستینییە ستەملێکراوەکان و بێ پەنایە، بەڵکوو چاندنی تۆوی بێ‌نرخی ئەخلاقی و مافی مرۆیی و دادپەروەری لە کولتووری گشتیی جیهاندا و پێشخستنی پراکتیزەکردنی توندوتیژی و دڕندەیی و گەڕانەوەی دوودڵانە بۆ لۆژیکی تاڵانکردن و دڕندەیی، کە لەکۆتاییدا جیهان و جیهانیان بەرەو دۆخێکی ترسناک دەبات! بۆیە هەوڵدان بۆ ڕاگرتنی ماشێنی جەنگ و تیرۆری دەوڵەتی ڕژێمی ئیسڕائیل ئەرکی هەموو لایەک و بەتایبەت ئەو دامەزراوە نێودەوڵەتییانەیە کە ئاشتی دەپارێزن و نەتەوە یەکگرتووەکان لە سەرووی هەموویانن.
د) جیهاد به مانا قوڕئانییەکەی بەپێچەوانەی باوەڕی باوه و هه ڵوێستێکی بیروباوەڕ نییه و هاوواتای ململانێی سه ڕبازییه لەگەڵ کوفر، بەڵکوو هەڵوێستێکی ئەخلاقی هاوتایه به بەرەنگاربوونەوەی ستەم و نادادپەڕوەڕی.
بەم پێیە شرۆڤەکردنی ڕەهەند و گۆشە جیاوازەکانی پرسی فەلەستین، ئاشکراکردنی درۆی میدیایی، دوعاکردن بۆ سەرکەوتنی حەقیقەت و دادپەروەری و ئەخلاق و هاوکاری دارایی لەو ئەرکانەن کە هەموو موسوڵمانێک تا ئەو جێگایەی کە دەتوانێت لێی بەرپرسیارە.
عەبدوڕڕەحمان پیرانی
ئەمینداری گشتیی جەماعەتی دەعوەت و ئیسلاح
٢ی خەزەڵوری ١٤٠٢ی کۆچی هەتاوی
٨ی ڕەبیعوسانی ١٤٤٥ کۆچی مانگی
دەقی چاپکراوی بەیاننامەی فەرمی جەماعەتی دەعوەت و ئیسلام سەبارەت بە ئیدانەکردنی هێرشە ماڵوێرانکەرەکانی ڕژێمی داگیرکەری ئیسرائیل بۆ سەر کەرتی غەززە شەرمەزار دەکات.
بۆچوونه‌کان